 |
भारतीय सेनाले पाकिस्तान प्रशासित कश्मिर क्षेत्रमा गरिएको भनिएको सर्जिकल स्ट्राइकको भिडियो जारी गर्ने अनुमति मागेको भारतीय सञ्चार माध्यमले जनाएका छन् ।
भारतीय प्रधानमन्त्रीको कार्यालयलाई ९० मिनेटको भिडियो बुझाउँदै यो सार्वजनिक अन्तिम अनुमति प्रधानमन्त्री कार्यालयसँग मागेको बताइएको छ ।
भारतले पाकिस्तानी भूमिमा पसेर गरेको भनिएको सर्जिकल स्ट्राइकबारे भारत र पाकिस्तानबीच जुहारी चलिरहेको छ । भारतले सर्जिकल स्ट्राइकमा ४० आतंकबादी मारेको दावी गरेको छ भने पाकिस्तानले भने सर्जिकल स्ट्राइक केवल प्रोपोगाण्ड भएको बताइरहेको छ । राष्ट्रसंघले समेत भारतीय सर्जिकल स्ट्राइकको पुष्टि गर्न नसकिने बताइसकेको छ ।
भारतको इकोनोमिक टाइम्सका अनुसार सेनाले पाकिस्तानलाई जवाफ दिन ९० मिनेटको भिडियो जारी गर्ने तयारी गरेको हो । भारतमै पनि विपक्षी दलहरुले सर्जिकल स्ट्राइकको भिडियो प्रमाण माग गरेका छन् ।
दिल्लीका मुख्यमन्त्री अरविन्द केजरीवालले सर्जिकल स्ट्राइक गरेपछि भारतीय प्रधानमन्त्री नरेन्द्र मोदीको प्रशंसा गरेका थिए । तर उनले सर्जिकल स्ट्राइक नभएको दावी गर्ने पाकिस्तानलाई जवाफ दिन सुझाव दिएका थिए ।
प्रधानमन्त्री कार्यालयले अन्तिम अनुमति दिएमा भारतीय सेनाले गरेको भनिएको सर्जिकल स्ट्राइकको बहुप्रतिक्षित भिडियो सार्वजनिक हुनेछ ।
|
0 comments:
Post a Comment