 |
काठमाडौं, ९ असोज । आइतबार साँझ ५ बजेतिर त्रिशूली नदीमा पूर्व गृह तथा परराष्ट्रमन्त्री माधवप्रसाद घिमिरे चढेको गाडी खसेर वेपत्ता भयो ।
गाडीमा सवार ७ जनामध्ये तीनको मृत्यु भइसक्यो । दुई भाईसहित घिमिरे अझै वेपत्ता छन् । जीपबाट उछिट्टिर बाँच्न सफल चालक अस्पतालमा छन् ।
पूर्वमन्त्री घिमिरे आफ्नी ८० वर्षीया आमा चैत्यकुमारीलाई मुक्तिनाथ धामको तीर्थाटन गराएर आइतबार काठमाडौं फर्किने बेला यो दुर्घटना भएको हो ।
कसरी भयो दुर्घटना, यसो भन्छन् हाम फालेर बाँचेका चालक
त्रिशुलीमा खसेको जीपबाट उछिट्टिएर बाँच्न सफल भएका घिमिरेका चालक बिष्णु राईले आफूले नै प्रहरीलाई सबैभन्दा पहिले दुर्घटनाको खबर गरेको बताए ।
दुर्घटना हुनु अगाडिको अवस्था उनले यसरी सम्झिएः
मुक्तिनाथ धामबाट फर्किदा जीप मैले चलाएको थिए । दमौली पुगेर केहीबेर रोकिएपछि उहाँ (घिमिरे)ले मलाई ‘तिमी थाकेका छौ, केबलकारसम्म म चलाउँछु, अनि तिमी चलाउनु’ भन्नुभएको थियो तर, केबलकार अर्थात कुरिनटार नपुग्दै गाडी त्रिशुलीमा खस्यो । केबलकार चढ्ने ठाउँ आउन एक–दुई किलोमिटर छ भने जस्तो लाग्छ, त्यसपछि गाडी कसरी उछिट्टिएर गयो केही पनि थाहा पाइँन ।
एउटै गल्ती
हुन त हुने कुरा टारेर टर्दैन् भन्छन् । पूर्वमन्त्री घिमिरेको हकमा पनि त्यही भएको छ । यदि घिमिरेले चालकलाई गाडी हाक्न दिएको भए सायद यो घटना नहुन सक्थ्यो । तर, उनले आफै गाडी चलाए र दुर्घटनामा परे । धेरैले यसलाई उनको ‘गल्ती’का रुपमा हेरेका छन् ।
गाडीमा को–को थिए ?
चितवनका प्रहरी प्रमुख एसपी बसन्त कुँवरका अनुसार जीपमा सात जना सवार थिए । ती यसप्रकार छन् ।
पूर्वमन्त्री माधवप्रसाद घिमिरे (वेपत्ता)
आमा ८० वर्षीया चैत्यकुमारी घिमिरे (मृत्यु)
अंगरक्षक रामचन्द्र कार्की (मृत्यु)
आफन्त नारायणप्रसाद काफ्ले (मृत्यु)
प्रकाश घिमिरे (वेपत्ता)
मोहन घिमिरे (वेपत्ता)
चालक विष्णु राई (अस्पताल)
|
0 comments:
Post a Comment