प्रधानमन्त्री पुष्पकमल दाहालको भारत भ्रमणका विषयमा संसदलाई जानकारी नदिएको भन्दै प्रमुख विपक्षी दल नेकपा (एमाले)ले आज संसदमा विशेष समय लिएर धारणा राख्ने भएको छ । बानेश्वरस्थित अन्तर्राष्ट्रिय सम्मेलन केन्द्रमा बिहान एघार बजे बस्ने संसद बैठकमा एमालेका अध्यक्ष एवम् प्रमुख विपक्षी दलका नेता केपी ओलीले विशेष सम्बोधन गर्ने कार्यक्रम रहेको जानकारी आएको छ । ‘अध्यक्ष केपी ओलीले भारत प्रधानमन्त्रीको भारत भ्रमण, पुनर्निर्माणको कामकारबाही, मुलुकको समय सामयिक विषय, संविधान संशोधन, चुनाव, सरकारको काम, संविधान कार्यान्वयनलगायतका विषय समेटेर सम्बोधन गर्नेछन’ । प्रधानमन्त्री दाहालले आफ्नो भारत भ्रमणका विषयमा सदनलाई जानकारी गराउनु हुन्छ कि भनेर यसअघिको बैठकमा कुरेको एमालेले सरकारबाट कुनै सम्बोधन नआएपछि आज अध्यक्ष ओली आफैले सो विषयमा सरकारको ध्यानाकर्षण गराउनलागेका हुन् ।
About
butwaladvertisement
0 comments:
Post a Comment